Die anderen zway obern anpinden von der lincten seiten
Item schicth dich allso mit dem zufechten in dem obern anpund / von deiner lincken seiten stat er dann auch allso gegen dir Inn dem anpund von seiner lincken / seiten sso trit mit deinnem lincten schennctek hinnein Indes empfind ob er hert oder wauch sen Inn dem / anpund Ist er waich so trit mir deinnem rehten schennctek hinnach und stoß
im nach seinem angesicht. nimpt er dir das ab so winnd dich Indes durch von Deinner rechten auf sein
rechten seiten.
Windt / er dir allso nach deinner rechten seitten und dü auch gegen Im steest In dem Anpünd deinen lincken fuoß / furgeseßt so verseß Im das in dem trit mit deinem rechten
schennctel hinnach und stoß im nach seinem / gesicht uber seinem rechten arm hinein versßt er dir das so wind dich durch mit deinem ort aüf / sein rechten seiten und stoß Im mit deinnem Ort nach seinner rechten seiten seßt er dir das ab so volg / mit deinnem lincken schennctel hinnach und wind im deinnen hindern ort zwischen seinnen baiden / Armen hindurch zü seinnem gesicht.
Windt er dir allso zü deinnem gesicht so seß deinnen rechten schenctel / zü rück unnd seß im deinnen bindern ort auch zü / seinnem gesicht volg mit deinnem rechten schennctel wider hinnach und schlag Im mit der halben / stanngen mit baiden hennden nach seinnem haüpt zeüch damit ab Im gutter versaßung.