Ein Absetzen gögen ainnem zwifachen mittelhaw
Item schicth duch allso mit dem zufechten indes absetzen /
trit mit deinem lincken schenckel hinnein dein stanngen auf der erden dein rechte hand gestracht ob deinnem /
haüpt indes wind dich aüf dein recte hannd auf die hufft uns sto´im zü seinem gesicht
Stost er dir allso / nach deinnem angesicht und dü gögen im stest inn dem zwifachen mitelhaw
deinnen rechten fuoß furgefeßt /
so seß im seinnem stß ab mit deinnem vordern orth Indes trit mit deinnen licken schennckel hinnach und /
stos im deinnen hindern ort zü seinnem gesicht verseßt er dir das so wechsel im unnden durch und schlag im /
nach seinnem rechten arm verseßt Er dir das furbass so tritt mit deinnem rechten schennckel hinnein unnd /
stoß im mit deinnem stanngen orth zü seinm gesicht wirt er des stoß gewahr und verseßt der den so zeüch deinen /
rechten schenckel zü rückn und stoß im nach seinem lincken schennckel.
Stost er dir also nach deinnem linctken /
schennckel so verseß im das mit sondern stos im behennd nach seinem angesicht indes wend dich damit von /
im zü rückn inn gute versaßung